सोसल मिडिया
हाम्रो बारेमा
सम्पर्क
जानकी( बाँके )। बालबालिकामा आँखा पाक्ने रोग ‘कन्जक्टिभाइटिस एनिडो भाइरस’को सङ्क्रमण फैलिएपछि बाँकेको जानकी गाउँपालिकाका विद्यालय पनि बन्द गरिएको छ ।
जानकीका शिक्षा प्रमुख कृष्णाकुमारी भण्डारीले अधिकांश बालबालिकामा आँखा पाक्ने सङ्क्रमण देखिएकोले त्यसलाई थप फैलिनबाट रोक्न निजी र सामुदायिक सबै विद्यालय दुई दिन बन्द गर्ने निर्णय गरिएको बताइन् ।
आँखा पाक्ने सङ्क्रमण वृद्धि हुँदै गएकोले विद्यालयबाट नै अन्य बालबालिकामा पनि सर्ने सम्भावना रहेकोले साउन २५ देखि २६ गतेसम्म विद्यालय बन्द गर्ने निर्णय गरिएको उनले बताइन् ।
नेपालगन्ज उपमहानगरपालिका र खजुरा गाउँपालिकाले यसअघि नै बिद्यालय बन्द गरिसकेका छन् ।
