काठमाडौं ।नेकपा माओवादी केन्द्रले नेपाली कांग्रेससँगको पुरानो गठबन्धन तोडेर बनेको नयाँ गठबन्धनमा मन्त्रालयको विवाद उत्पन्न भएको छ।नयाँ गठबन्धन दलमध्ये राष्ट्रिय स्वतन्त्र पार्टी (रास्वपा ) ले गृह मन्त्रालयसहित ४ मन्त्रालय मागेपछि नेकपा एमाले र माओवादी केन्द्र अन्योलमा परेका छन् । रास्वपाले गृह मन्त्रालयलाई बटमलाइन बनाएर ४ मन्त्रालयमा दाबी रहने बताएको छ।

रास्वपाले गृह मन्त्रालय लिएरै छोडने बताएपछि नयाँ गठबन्धन दल तनाबमा परेका छन् ।रास्वपाका उपसभापति स्वर्णिम वाग्लेले भने-' एमालेको गृहमा दाबी भएपनि हाम्रो पार्टीले कुनै हालतमा गृह मन्त्रालय छोड्दैन'।

यत्रो मूल्य चुकाएर सरकारमा जानलाई गृह आफ्नो दाबी कायमै रहेको रास्वपाले जनाएपछि नयाँ गठबन्धन दल एमालेलाई निल्नु र ओकल्नु भएको छ।  यता एमालेले कुनै हालतमा गृह मन्त्रालय आफ्नो पार्टीले लिने बताएको। गठबन्धनको सबैभन्दा ठुलो दल एमाले नै गृह मन्त्रालय पाउनुपर्ने एमाले नेताहरु बताउँछन् ।

नयाँ गठबन्धन दलको फेरि आज दिउँसो मन्त्रालय भागबण्डा मिलाउन बैठक बस्दैछ। सोमबार एमालेका पदम गिरी, माओवादीका हितमान तामाङ र रास्वपाका डीपी अर्याल मन्त्री नियुक्त भइसकेका छन् ।