काठमाडौं । परराष्ट्रमन्त्री एनपी साउदले ७ स्थानमा रिक्त राजदूतहरूको नियुक्ति प्रक्रिया अघि बढाउन लागेको बताएका छन् । 

मन्त्री साउदले स्थायी नियोग न्यूयोर्क तथा जेनेभा, क्यानडा, फ्रान्स, थाइल्याण्ड, युएई र कुबेत गरी ७ स्थानमा राजदूत खाली रहेको हुँदा यथाशीघ्र नियुक्ति प्रक्रिया अगाडि बढाइने बताए 

आज राष्ट्रिय सभामा जवाफ दिँदै मन्त्री साउदले रिक्त ७  स्थानमा राजदूत नियुक्ति कम्तीमा पनि ५० प्रतिशत राजदूतहरू परराष्ट्र सेवाबाटै नियुक्ति गरिने बताएका थिए।

राजदूत नियुक्तिका बारेमा  राजनीतिक तहमा छलफल भइरहेको हुँदा उक्त प्रक्रिया चाँडै सकिने मन्त्री साउद बताए।