सोसल मिडिया
हाम्रो बारेमा
सम्पर्क
धनगढी । नेकपा एमाले सुदूरपश्चिम प्रदेशको अध्यक्षमा अछाममा कृष्णप्रसाद जैसी निर्विरोध निर्वाचित भएका छन्।
अध्यक्षमा चार जनाको उम्मेदवारी पर्दा अन्य तीन जना अछामका कमल तिमिल्सिना, भरत साउद र कञ्चनपुरका बचनबहादुर सिंहले उम्मेदवारी फिर्ता लिएपछि जैसी अध्यक्षमा निर्वाचित भएका हुन् ।जैसी अछामका पूर्वजिविससमेत सभापति हुन्।
त्यस्तै उपाध्यक्षमा बाजुराका कालीबहादुर शाही निर्विरोध निर्वाचित भएका छन् । उपाध्यक्षका उम्मेदवारहरु हरिसिंह साउद, हजारी साउद, बलदेव रेग्मी, रणबहादुर महराले उम्मेदवारी फिर्ता लिएपछि शाही निर्विरोध निर्वाचित भएका हुन्।
प्रदेशको सचिवमा रतनराज रेग्मी र राजेशकुमार खातीले उम्मेदवारी फिर्ता लिएपछिरणबहादुर चन्द निर्विरोध भएका हुन्।
त्यसैगरि महिला उपसचिवमा कन्दकला रानाले उम्मेदवारी फिर्ता लिएपछि भागिरथी विष्ट सर्वसम्मत भएकी छन्।
नरबहादुर बिक खुला उपसचिवमा सर्वसम्मत चयन भएका छन्।
