काठमाडौं । हृदयघातबाट निधन भएका नेकपा एमालेका उपाध्यक्ष सुवासचन्द्र नेम्वाङको पार्थिव शरीर  श्रद्धाञ्जलीका भोलिसम्म पार्टी कार्यालयमा राखिने भएको छ।

एमाले संसदीय दलका उपनेतासमेत रहेका नेम्वाङको पार्थिव शरीर केहीबेरमा ललितपुरस्थित  च्यासलस्थिल पार्टी कार्यालयमा लगिदै छ । 

बालुवाटारस्थित आफ्नो निजी निवासमा गएराति १ बजे उनलाई हृदयघात भएपछि उपचारका लागि महाराजस्थित शिक्षण अस्पताल पुर्याइएकामा त्यही नेम्वाङको निधन भएको थियो ।

विसं २००९ फागुन २८ गते जन्मिएका नेम्वाङ नेपाली राजनीतिमा प्रखर, शालीन र सबैलाई मिलाएर जान सक्ने नेताको रूपमा छवी बनाएका थिए ।