सोसल मिडिया
हाम्रो बारेमा
सम्पर्क
डेनमार्क। डेनमार्कमा व्यवसाय गर्दै आएका नेपाली व्यवसायीहरूले नेपाली व्यवसायी संघ डेनमार्क गठन गरेका छन् ।
डेनमार्कमा व्यवसाय गरी रहेका नेपाली व्यवसायीहरुको सामुहिक हितमा काम गर्ने उद्देश्यले आज कोपनहेगनमा मिलन श्रेष्ठको अध्यक्षतामा नेपाली व्यवसायी संघ डेनमार्कको तदर्थ समिति गठन भएको हो।
लामो समयदेखि व्यवसाय गरिरहेका र उच्च शिक्षा अध्ययनका लागि डेनमार्क आएका बिद्यार्थीहरुको ज्ञान, सिप र पुजीलाई व्यवसायमा रुपान्तरण गर्ने उद्देश्यले संगठनको आवश्यकताका कारण नेपाली व्यवसायी संघ गठन गरिएको अध्यक्ष श्रेष्ठले बताए ।
श्रेष्ठको अध्यक्षतामा गठन गरिएको समितिको उपाध्यक्षमा शशी श्रेष्ठ, सचिवमा कृष्ण अधिकारी र कोषाध्यक्षमा कुलराज शर्मा चयन भएका छन्।
त्यस्तै संघको सदस्यहरुमा नरेन्द्र पौडेल, योगेश भट्टराई,बुद्धी सापकोटा , किशोर प्रसाईं , सुवर्ण गौतम चयन भएका छन् भने संघको लेखा निरीक्षकमा नवीन पौडेललाई चयन गरिएको छ।
डेनमार्कमा होटेल, रेस्टुरेन्ट , सुपर मार्केट, ड्राइभिङ् स्कुल, नेपाली कपडा पसल, आईटी, शैक्षिक परार्मश केन्द्र , इन्जिनियरिङ्ग परामर्श, मनि ट्रान्सफर, ट्याक्सी र ट्राभल एजेन्सी लगायतका व्यवसाय गर्ने करीब ५० जना नेपाली व्यवसायी क्रियाशिल छन् ।
त्यस्तै संघको आजको पहिलो बैठकले विभिन्न निर्णयहरु समेत गरेको छ। यस्ता छन् निर्णय -
१: नेपाली वजार र नेपालीलाई डेनर्माकको बजारमा स्थापित गर्ने समेत निर्णय गर्ने ।
२: आपसी सद्भाव बढाउनुका साथै आफ्ना अनुभव आदन प्रदान गर्ने ।
३: एकै उद्देश्यका ब्यक्तिहरुको साझा भेटघाट गर्ने अवसर जुटाउने ।
४: नयाँ अवधारणाका साथ व्यवसायमा संलग्न हुन चाहाने व्यक्तिहरुलाई प्रोत्साहान गर्ने ।
५: सामूहिक हकहितका सूचना एक आपसमा बाँडने।
६: तेस्रो व्यापारीक पार्टसँग वार्गेनिङ्ग पावर वृद्धि गर्ने अवसर जुटाउने।
७: नेपालीहरुको पहिचान डेनर्माक समाजमा स्थापित गर्ने ।
