दाङ। दाङको राप्ती गाउँपालिका क्षेत्रबाट प्रहरीले लागु औषध ब्राउन सुगरसहित दुई जनालाई पक्राउ गरेको छ।

प्रहरी प्रधान कार्यालयका अनुसार राप्ती गाउँपालिका-१ बाट २ ग्राम ६४० मिलिग्राम ब्राउनसुगरसहित सोही गाउँपालिका-१ भालुबाङ बस्ने रोल्पा घर भएका २२ वर्षीय आकाश पुन र रोल्पा सुनिलस्मृती गाउँपालिका-१ घर २२ वर्षीय उमेश घर्तीमगरलाई दाङ प्रहरीले पक्राउ गरेको हो।

इलाका प्रहरी कार्यालय भालुवाङबाट खटिएको प्रहरीले आकाशलाई १ ग्राम १ सय ८० मिलिग्राम र उमेशलाई १ ग्राम ४ सय ६० मिलिग्राम ब्राउन सुगरसहित पक्राउ गरेको हो ।

दाङ प्रहरीले उनीहरुविरुद्ध दाङ जिल्ला अदालतबाट म्याद लिएर लागुऔषध कसुर थप अनुसन्धान अगाडि बढाएको प्रहरी प्रधान कार्यालयले जनाएको छ।