जमुनाह। बाँकेको नेपालगन्ज सीमा नाकाबाट लागुऔषध ब्राउन सुगरसहित दुई युवकलाई प्रहरीले पक्राउ गरेको छ। 

 भारतको रुपइडिहा बजारबाट नेपालगन्जतर्फ  आउँदै गरेको अवस्थामा लागुऔषध नियन्त्रण ब्यूरो शाखा कार्यालय नेपालगन्ज र इलाका प्रहरी कार्यालय जमुनाहको टोलीले २ ग्राम ७४० मिलिग्राम ब्राउन सुगरसहित नेपालगन्ज -१५ जमुनाह नाकाबाट सुर्खेत र दाङका युवकलाई पक्राउ गरेको जिल्ला प्रहरी कार्यालय बाँकेले जानकारी दिएको छ।

जिल्ला प्रहरी कार्यालय बाँकेका अनुसार पक्राउ पर्नेमा सुर्खेतको भेरीगंगा नगरपालिका-१३ रामघाट बस्ने ३३ वर्षीय शिखर विक र दाङको घोराही उपमहानगरपालिका-१४ ढोडेरी गुम्बा बस्ने २७ वर्षीय प्रबिन चौधरी रहेका छन् । 

ब्राउन सुगरसहित पक्राउ परेका दुबै जनालाई हिरासतमा लिएर लागुऔषध कसुरमा थप अनुसन्धान अगाडि बढाइएको बाँके प्रहरीले जनाएको छ।