घोराही । दाङको घोराही उपमहानगरपालिका–१४ स्थित न्यु मनकामना गेष्ट हाउसबाट अवैध लागूऔषध ब्राउनसुगर सहित दुई जना पक्राउ परेका छन्।

जिल्ला प्रहरी कार्यालय दाङबाट खटिएको प्रहरी टोलीले गेष्ट हाउसमा तलासी गर्दा ६० ग्राम ३ सय २० मिलिग्राम ब्राउनसुगर र नगद ३५ हजार ८ सय ३५ रुपैयाँ बरामद गरेको हो।

पक्राउ पर्नेमा सोही गेष्ट हाउसका सञ्चालक घोराही उपमहानगरपालिका–१४ सरस्वती टोल बस्ने रोल्पा घर भएका ३१ वर्षीय हिरामणी घर्ती र घोराही उपमहानगरपालिका–१५ रतनपुर बस्ने २६ वर्षीय ईश्वर बुढा मगर रहेका छन्।

बरामद गरिएको लागूऔषध र नगदसहित उनीहरूलाई नियन्त्रणमा लिई थप अनुसन्धान भइरहेको जिल्ला प्रहरी कार्यालय दाङले जनाएको छ।