नेपालगन्ज। बाँकेको नेपालगन्ज बजार नजिकबाट प्रहरीले  प्रतिवन्धित औषधिसहित दुई युवकलाई पक्राउ गरेको छ।

लागुऔषध नियन्त्रण ब्यूरो शाखा कार्यालय नेपालगन्जबाट खटिएको टोलीले प्रतिवन्धित औषधि ट्रामाडोल र नाईट्रोभ्याटसहित रुकुम पश्चिम्  र दाङका युवकलाई पक्राउ गरेको हो।

प्रतिवन्धित औषधिको खरिद बिक्री भइरहेको विशेष सूचनाका आधारमा गएको लागुऔषध नियन्त्रण ब्यूरोको टोलीले नेपालगन्ज-१८ बाट  ६००  क्याप्सुल ट्रामाडोल  र  २० ट्याबलेट नाईट्रोभ्याट र ३ थान मोबाइल सहित रुकुमको पश्चिम मुसीकोट नगरपालिका-१ का १९ वर्षीय ईश्वर परियार र दाङकि तुलसीपुर उपमहानगरपालिका- ११ का  १९ वर्षीय महेश बुढाथोकीलाई पक्राउ गरेको जिल्ला प्रहरी कार्यालय बाँकेले जानकारी दिएको छ।

लागुऔषध नियन्त्रण ब्यूरोले शुक्रबार अपराह्नमा पक्राउ गरेका उनीहरुलाई आबश्यक अनुसन्धानका लागि जिल्ला प्रहरी कार्यालय बाँकेमा राखिएको छ।