दाङ। दाङमा आफ्नै श्रीमानको हत्या गरेको आरोपमा प्रहरीले एक महिलालाई पक्राउ गरेको छ।

जिल्लास्थित बंगलाचुली गाउँपालिका-७ हल्दीका ६५ वर्षीय श्रीमान् पुनाराम सुनारी मगरको हत्या गरेको आरोपमा  ५० वर्षीया संगीता सुनारी मगरलाई  प्रहरीले पक्राउ गरेको हो ।

संगीताले घरायसी विवादको क्रममा दाउराको चिर्पट प्रहार गर्दा पुनारामको घटनास्थलमै मृत्यु भएको खबर प्राप्त हुनासाथ इलाका प्रहरी कार्यालय भालुबाङ र प्रहरी चौकी हासिँपुरबाट खटिएको प्रहरीले उनलाई सोमबार राति पक्राउ गरेको जिल्ला प्रहरी कार्यालय दाङले जानकारी दिएको छ।

प्रहरीले पक्राउ परेकी संगीतासँग थप अनुसन्धान भइरहेको जिल्ला प्रहरी कार्यालय दाङले जनाएको च।