बाँके। बाँके बैजनाथबाट ब्राउन सुगरसहित एक युवकलाई प्रहरीले पक्राउ गरेको छ। 

पक्राउ पर्नेमा बैजनाथ गाउँपालिका-७ पेडारीका ३३ वर्षीय युवक अभिषेक थारु रहेको जिल्ला प्रहरी कार्यालय बाँकेले जानकारी दिएको छ।

बाँके प्रहरीका अनुसार थारुलाई सोमबार राति बैजनाथ-७ पेडारीबाटै १ ग्राम ७ सय ५० मिलिग्राम ब्राउन सुगर र १५ सय रुपैयाँसहित इलाका प्रहरी कार्यालय कोहलपुरले पक्राउ गरेको हो।

ब्राउन सुगरसहित पक्राउ परेका थारुसँग लागुऔषध कसुरमा इलाका प्रहरी कार्यालय कोहलपुरले थप अनुसन्धान गरिरहेको जिल्ला प्रहरी कार्यालय बाँकेले जानकारी दिएको छ।