काठमाडौं । बेरोजगार युवायुवतीलाई आकर्षक तलबको सपना देखाएर क्यानडा पठाइदिने भन्दै लाखौं ठगी गरेर सम्पर्कविहीन भएका एक जनालाई प्रहरीले पक्राउ गरेको छ।

क्यानडा लैजाने भनेर दुई जना युवायुवतीबाट १८ लाख ३५ हजार रुपैयाँ लिएर सम्पर्कविहीन भएका गोरखास्थित आरुघाट गाउँपालिका-१० का  ३४ वर्षीय रामहरि भण्डारीलाई उपत्यका अपराध अनुसन्धान कार्यालय टेकुको टोलीले पक्राउ गरेको हो।

पीडितहरुले दिएको जाहेरीका आधारमा अपराध अनुसन्धान कार्यालयको टोलीले भण्डारीलाई काठमाडौंको गोकर्णेश्वर नगरपालिका-१ सुन्दरीजलबाट  पक्राउ गरेको एसपी काजीकुमार आचार्यले जानकारी दिएका छन् ।

एसपी आचार्यका  अनुसार  भण्डारीलाई असोज ३ गते पक्राउ गरेर आबश्यक अनुसन्धानका लागि वैदेशिक रोजगार विभाग ताहाचल पठाइएको छ।