काठमाडौं । त्रिभुवन अन्तर्राष्ट्रिय विमानस्थल ठुलो परिमाणमा विदेशी मुद्रासहित प्रहरीले तीन जनालाई पक्राउ गरेको छ।

काठमाडौंबाट थाई एयरवेजको जहाजमा बैंंकक जान लागेका काठमाडौं महानगरपालिका-२२ का ४६ वर्षीय महेशमान महर्जन, टोखा नगरपालिका-१० घर भएका ४९ वर्षीय मानव आचार्य र काठमाडौं महानगरपालिका-१४ घर भएका ३० वर्षीय दीपेश भुसाललाई प्रहरी अन्तर्राष्ट्रिय विमानस्थल भित्रबाट पक्राउ गरेको हो।

विमानस्थल सुरक्षा प्रहरीका अनुसार पक्राउ परेका महेशमानको साथबाट १६ हजार ५५० युरो र १० हजार क्यानडियन डलर, मानवको साथबाट ८ हजार ९५० युरो र ३६ सय ६० थाई भाट बरामद भएको हो।

त्यसैगरी प्रहरीले दीपेशको साथबाट १३ हजार ४ सय युरो , ३ हजार ४ सय स्वीस फ्रान्क, ४ हजार ५ सय क्यानडियन डलर, १८ हजार साउदी रियाल,२ हजार थाई भाट र ४ लाख ९० हजार जापानी येन बरामद गरेक्प त्रिभुवन विमानस्थल प्रहरीले जानकारी दिएको छ।

प्रहरीले पक्राउ  उनीहरुलाई बरामद गरेको विदेशी मुद्रासहित आबश्यक कारबाहीका लागि राजस्व अनुसन्धान विभाग बुझाएको जनाएको छ।