सिराहा। महिला प्रहरी जवान करिश्मा सुनारको मृत्युु प्रकरणमा सिराहा प्रहरीले एक जना युवकलाई पक्राउ गरेको छ।

बाँकेको खजुरा गाउँपालिका-४ घर भएर सिराहामा कार्यरत २५ वर्षीया महिला प्रहरी जवान सुनार  जेठ ३१ गते जिल्ला प्रहरी सिराहाको महिला, बालबालिका तथा जेष्ठ नागरिक सेवा केन्द्रको शौचालयमा झुन्डिएको अवस्थामा मृत भेटिएकी थिइन् ।

शौचालयमा झुन्डिएको अवस्थामा फेला परेकी सुनारले आत्महत्या गरेको खुलेपनी सो घटनामा अनुसन्धान गर्दै जादा प्रहरीले आत्महत्या दुरुत्साहनको आरोपमा दैलेख स्थायी ठेगाना भएर हाल बाँकेको बैजनाथ गाउँपालिका-२ का २७ वर्षीय पुष्कर थापा मगरलाई पक्राउ गरेको हो। 

सिराहा प्रहरीले पुस्करलाई आत्महत्या दुरुत्सानको मुद्दामा अदालतबाट म्याद लिएर थप अनुसन्धान गरिरहेको जनाएको छ।