जनकपुर। मधेश प्रदेश सरकारबाट नेकपा एमाले बाहिरिएको छ। एमालेका सबै मन्त्रीहरुले मधेश सरकारबाट राजिनामामा दिएका छन् ।

एमालेका सबै मन्त्रीहरु सरकारबाट बाहिरिपछि उपेन्द्र यादवका मुख्यमन्त्री सरोजकुमार यादव अल्पमतमा परेका छन् ।

एमालेबाट सरकारमा गएका मन्त्रीहरु सरोज यादव , राजकुमार लेखी, सत्रुधन सिंह , प्रमोद जयसवाल र राज्यमन्त्री केशव राय र शारदा थापाले आज मुख्यमन्त्री यादवलाई राजीनामा बुझाएका हुन् ।

उपेन्द्र यादवबाट अलग भएर अशोक राईले नयाँ दल दर्ता गरेपछि बिग्रीएको माहोलमा नेकपा माओवादी केन्द्रले यसअघि नै सरकारलाई दिएको समर्थन फिर्ता लिदै आफ्ना मन्त्रीहरु भरतकुमार साह र युवराज भट्टराईलाई सरकारबाट फिर्ता बोलाइसकेको छ।