दाङ । दाङको तुलसीपुरमा ७३ बर्षीया महिलालाई सामुहिक बलात्कार गर्ने दुई जनालाई प्रहरीले पक्राउ गरेको छ।  

अबेर राति तुलसीपुर बसपार्क आइपुगेकी प्यूठानस्थित स्वर्गद्धारीकी  ती ७३ बर्षीया महिलालाई ती दुई जनाले  सहयोगको वाहानामा फकाएर बसपार्क भित्र पार्किङमा राखिएको ना ४ ख ७८४८ नम्बरको बस भित्र लगेर सामुहिक बलात्कार गरिरहेकै अवस्थामा प्रहरीले उनीहरुलाई नियन्त्रणमा लिएको इलाका प्रहरी तुलसीपुरले जनाएको छ।

प्रहरीका अनुसार  बलात्कारको शिकारमा परेकी ती महिलाको चीत्कार स्थानीयले सुनेपछि प्रहरीलाई खबर गरिएको थियो। एक सेकेन्ड ढिला नगरेको प्रहरीले घटनास्थलबाटै बलात्कार गरिरहेकै अवस्थामा  तुलसीपुर -१५ का ३० बर्षीय पुष्कर रोका र सल्यान कुमाख – ७ का २० बर्षीय रेशम बिकलाई पक्राउ गरेको हो ।

प्रहरीका अनुसार महिलामाथि बलात्कार गरिरहेकै अवस्थामा तुलसीपुर बसपार्कबाट गए राति १२ बजेतिर नियन्त्रणमा लिएको हो ।

इलाका प्रहरी कार्यालयले घटनाबारे थप अनुसन्धान गरिरहेको जनाएको छ।