सोसल मिडिया
हाम्रो बारेमा
सम्पर्क
काठमाडौं । सहकारी ठगीमा मुछिएका गृहमन्त्री रवि लामिछानेले अनुसन्धानमा सघाउन राजीनामा दिनुपर्ने नेपाली कांग्रेसका नेता प्रकाशमान सिंहले बताएका छन्।
यसअघि पनि बजेट बनाउदा विवादमा मुछिएर पूर्व अर्थमन्त्री जनार्दन शर्माले राजीनामा दिएपछि संसदीय छानबिन समितिको छानबिनमा क्लिनचिट पाएर पुनः अर्थमन्त्री मै फर्किएको नेता सिंहले स्मरण गराए।
गृहमन्त्रीले पनि आफुलाई आरोप लागेपछि राजीनामा दिएर छानबिनमा सघाउनु सिंहले बताए।
गृहमन्त्रीमाथि सहकारी ठगीको आरोप लाग्दा उनकै प्रहरी संगठनले कसरी अनुसन्धान गर्ला? तशर्थ गृहमन्त्रीले राजीनामा दिनुपर्ने सिंहले बताए।
कांग्रेसले पनि सरकारले संसदीय छानबिन समिति नबनाएसम्म संसद चल्न नदिए निर्णय गरिसकेको नेता सिंहले भने।
