दमक । वैदेशिक रोजगारीबाट फर्केर आएको ४ दिनपछि एक व्यक्तिले आफ्नै श्रीमतीको हत्या गरेका छन् । झापाको बाह्रदशी-१ का ३३ वर्षीय देवनारायण राजवंशीले आफ्नै श्रीमती ममसरी राजवंशीको खुकुरी प्रहार गरि हत्या गरेको झापा प्रहरीले जानकारी दिएको छ।

आज बिहान साढे ६ बजे देवनारायणले ३३ वर्षीया श्रीमती ममसरीको खुकुरी प्रहार गरि हत्या गरेपछि तत्काल उनलाई प्रहरीले हतियारसहित पक्राउ गरेको हो।

देवनारायण वैदेशिक रोजगारीमा गएर ४ दिनअघि मात्र झापा फर्किएको प्रहरीले जनाएको छ। देवनारायणले श्रीमती अर्कैसँग लागेको विषयले कारण हत्या गरेको प्रहरीले जनाएको छ।

प्रहरीले पक्राउ परेका देवनारायणलाई नियन्त्रणमा लिएर थप अनुसन्धान गरिरहेको जनाएको छ।