काठमाडौं। आजदेखि इन्डियन प्रिमियर लिगको १७ औं संस्करण ( आईपीएल) सुरु हुँदैछ। उद्घाटन खेल साबिक विजेता चेन्नई सुपर किङ्स र रोयल च्यालेन्जर्स बैङलुरुबीच हुँदैछ।

आजदेखि सुरु हुने आईपीएलमा १० वटा क्लबको सहभागिता रहेको छ।

प्रतियोगितामा चेन्नई सुपर किङ्स र रोयल च्यालेन्जर्स बैङलुरु, दिल्ली क्यापिटल्स, गुजरात टाइटन्स, कोलकत्ता नाइट राइडर्स, लखनउ सुपर  जाइन्टस, मुम्बई इन्डियन्स, पन्जाब किङ्स, राजस्थान रोयल्स, सनराइजर्स हैदराबाद सहभागी छन् ।

आईपीएल खेलको तालिका भारतको लोकसभा चुनावका कारण २१ खेलको मात्र तालिका सार्वजनिक गरिएको छ। चुनावका कारण खेल भारतमा हुन नसके बाँकि खेलहरु यूएईमा गराइने विषयमा छलफल चलिरहेको बताइएको छ।