नेपालगन्ज । नेपालगन्जस्थित जमुनाह भन्सारको व्यारियरमा मोटरसाइकल ठोक्किँदा एक जनाको मृत्यु भएको छ।

गएराति सीमा नाका जमुनाह तर्फबाट मुख्य भन्सार कार्यालयतर्फ आउँदै गरेको भे ३ प ९६०३  नम्बरको मोटरसाइकल भन्सार गेटको पश्चिममा रहेको  व्यारियरमा ठोक्किँदा नेपालगन्ज-१८ का सुरज बर्माको मृत्यु भएको हो।

सिसीटिभीमा देखिएको भिडियोमा  उक्त मोटरसाइकलले अगाडि बन्द गरिएको व्यारियरको वेवास्ता गर्दै अगाडि आउँदा मोटरसाइकल ठोक्किँएको प्रहरीले जानकारी दिएको छ।

मोटरसाइकल दुर्घटनामा परि गम्भीर घाइते भएका बर्माको उपचारका क्रममा मृत्यु भएको हो।