काठमाडौँ । काठमाडौंमा जारी त्रिकोणात्मक टी–२० आई क्रिकेट सिरिजको फाइनलमा आज नेपाल र नेदरल्यान्ड्स भिड्दै छन् ।

टीयु क्रिकेट मैदानमा आज बिहान साढे ११ बजे सुरु हुने फाइनल खेलमा नेपाल तर्फबाट पौडेलको कप्तानीमा नेदरल्यान्ड्सविरुद्द मैदानमा उत्रदै छ।

नेपालले सिरिजमा नामिबिया र नेदरल्यान्ड्सलाई पराजित गरेर ४ अंकका साथ फाइनलमा पुगेको हो भने नेदरल्यान्ड्स २ जित र एक बराबरी खेल्दै ५ अंकका साथ फाइनल पुगेको हो।

सन् २०२१ को टी-२० फाइनलमा नेदरल्यान्ड्सलाई पराजित गरेझै  आजको फाइनल खेल पनि नेपालले जित्ने अभियानमा छ।

आजको खेलमा नेपालका ललित राजवंशीलाई मौका दिएर अविनाश बोहरा र आरिफ शेखलाई बेन्चमा राख्ने आकलन गरिएको छ। आज नेपालका ओपनर कुशल भुर्तेल पहिलो ११ मा आउने छन।

नेदरल्यान्ड्स बलियो टोली भएकोले नेपालले आज निकै आक्रामक खेल खेल्ने आकलन गरिएको छ।