जनकपुर। जनकपुर उपमहानगरपालिकामा स्कुल बसको ठक्करबाट एक जनाको मृत्यु भएको छ। बसको ठक्करले अन्य पाँच जना गम्भीर घाइते भएका छन् ।

प्रहरीका अनुसार आज बिहान जनकपुर जलेश्वर सडक खण्ड अन्तर्गत जकपुरधाम- २३ विन्धिमा सोही स्थानकै ३५ वर्षीया राखीदेवी यादवको एजल्स स्कुलको बसले ठक्कर दिँदा घटनास्थलमै मृत्यु भएको हो। 

तीब्र गतिमा गुडेको उक्त बसको ठक्करबाट सडक किनारामा पैदल हिडिरहेका अम्बिका झा, ममता देवी यादव,पशुपति देवीसहित पाँचजना गम्भीर घाइते भाएको प्रहरीले जनाएको छ। घाइते सबैको जनकपुर  प्रादेशिक अस्पतालमा भइरहेको प्रहरीले जानकारी दिएको छ।

प्रहरीले बस र चालकलाई नियन्त्रणमा लिएको जनाएको छ।