काठमाडौं । १६ औं एसिया कप क्रिकेटको फाइनल  उपाधिका लागि भारतविरुद्द पहिलो ब्याटिङ  श्रीलंकाले इतिहासकै खराब ब्याटिङ गरेको छ।

श्रीलंकाले भारतलाई ५१ रनको सामान्य लक्ष्य दिएको छ।

श्रीलंकाले १५.२ ओभरमा सबै विकेट गुमाउँदै ५० रन बनाएको छ।  श्रीलंकाका   कुशल मेन्डिजले सर्वाधिक   ३४ बलमा १६ रन बनाएका छन्  भने दुसन हेमन्तले १३ रन बनाए। अरु कसैले दोहोरो अंक नै बनाउन सकेनन् ।

भारतका बलर मोहम्मद  सिराजले ७ ओभरमा २१ रन दिदै ६ विकेट र हार्दिक पाण्डेयाले ३ र  जसप्रीत बुम्राहले १ विकेट लिएका छन् । १३ रनमै ६ विकेट गुमाएको श्रीलंकाका मेन्डिजले खेललाई केही हदसम्म अगाडि लगेका थिए।

यो फाइनलसहित दुवै टिम ८ पटक एसिया कपको उपाधिका लागि फाइनलमा भिडेका छन् । यसअघि भएका ७ आपसी भिडन्तमा भारतले ४ तथा श्रीलंकाले ३ पटक उपाधि जितिसकेका छन् ।