काठमाडौं । अनर (HONOR) नेपालले स्मार्टफोन प्रविधिको भविष्यलाई नेपालमा ल्याउँदै नयाँ HONOR 600 र HONOR 600 Pro  लन्च गरेको छ । अत्याधुनिक AI फिचर, प्रिमियम डिजाइन र फ्ल्यागशिपस्तरको प्रदर्शनसहित आएको यो नयाँ सिरिज दैनिक क्षणहरूलाई असाधारण अनुभवमा रूपान्तरण गर्न डिजाइन गरिएको हो । आकर्षक डिजाइन र बुद्धिमानी प्रविधिको संयोजन भएको HONOR 600 सिरिज सिर्जना, फोटोग्राफी र मनोरञ्जनलाई नयाँ स्तरमा पुर्‍याउन तयार गरिएको कम्पनीले जनाएको छ ।

स्लिम र प्रिमियम डिजाइनमा तयार गरिएको HONOR 600 सिरिजले उत्कृष्ट इन-ह्यान्ड अनुभवसँगै आधुनिक जीवनशैलीका लागि शक्तिशाली प्रदर्शन प्रदान गर्ने बताइएको छ । HONOR 600 मा Snapdragon 7 Gen 4 (4nm) प्रोसेसर प्रयोग गरिएको छ, जसले द्रुत तथा प्रभावकारी मल्टिटास्किङ अनुभव दिन्छ । यसमा अपग्रेड गरिएको AI Image to Video 2.0 फिचर समावेश गरिएको छ, जसमार्फत प्रयोगकर्ताले आफ्ना तस्बिरलाई केवल ५ सेकेन्डमै AI द्वारा तयार गरिएको भिडियो कथामा परिवर्तन गर्न सक्छन् । यसले कन्टेन्ट सिर्जनालाई अझ सिर्जनात्मक र अन्तरक्रियात्मक बनाउने कम्पनीको दाबी छ ।

त्यसैगरी, HONOR 600 मा Moving Photo Eraser Tool र Ultra-Clear Night Mode पनि उपलब्ध छ, जसले कम प्रकाशमा खिचिएका तस्बिरलाई अझ स्पष्ट र विवरणयुक्त बनाउँछ । यसमा 7000mAh क्षमताको ठूलो ब्याट्री रहेको छ, जसले 80W Wired Fast Charging र 27W Reverse Wired Charging सपोर्ट गर्छ । त्यसैले यो स्मार्टफोन दिनभर सहज रूपमा प्रयोग गर्न सकिने बताइएको छ ।

HONOR 600 दुई भेरियन्टमा उपलब्ध हुनेछ । 8GB + 256GB भेरियन्टको मूल्य रु. 84,999 र 12GB + 256GB भेरियन्टको मूल्य रु. 89,999 तोकिएको छ । HONOR 600 खरिद गर्ने ग्राहकहरूले रु. 15,999 मूल्य बराबरको HONOR Choice Watch 2 Pro निःशुल्क पाउनेछन् । साथै EFIX Protection Service Offer पनि उपलब्ध गराइने कम्पनीले जनाएको छ ।

यसैगरी HONOR 600 Pro ले अझ उन्नत फ्ल्यागशिप अनुभव प्रदान गर्ने बताइएको छ । यसमा Snapdragon 8 Elite (3nm) प्रोसेसर प्रयोग गरिएको छ, जसले अल्ट्रा-फास्ट प्रदर्शन, उन्नत AI क्षमता र सहज प्रिमियम स्मार्टफोन अनुभव प्रदान गर्छ। HONOR 600 Pro मा पनि उन्नत AI Image to Video 2.0 फिचर समावेश गरिएको छ, जसले धेरै तस्बिर र टेक्स्ट प्रम्प्टलाई संयोजन गरी सिनेमाटिक AI भिडियो कथा तयार गर्न सक्षम बनाउँछ ।

फोटोग्राफीका सौखिन प्रयोगकर्ताका लागि HONOR 600 Pro मा शक्तिशाली फ्ल्यागशिप क्यामेरा सेटअप दिइएको छ, जसमा 200MP Main Camera with OIS, 50MP Telephoto Lens with 3.5x Optical Zoom र 12MP Ultrawide Camera समावेश छन् । यसले विभिन्न परिस्थितिमा उत्कृष्ट स्पष्टता, शक्तिशाली जुम र डायनामिक फोटोग्राफी अनुभव प्रदान गर्ने अनर नेपालले जानकारी दिएको छ ।

यसमा पनि 7000mAh क्षमताको ठूलो ब्याट्री रहेको छ, जसले 80W Wired Charging, 50W Wireless Charging तथा 27W Reverse Wired Charging सपोर्ट गर्छ । यसले दिनभरको भरपर्दो ब्याट्री र प्रिमियम चार्जिङ सुविधा सुनिश्चित गर्ने कम्पनीले जनाएको छ ।

HONOR 600 Pro को 12GB + 256GB भेरियन्टको मूल्य रु. 129,999 तोकिएको छ । HONOR 600 Pro खरिद गर्ने ग्राहकहरूले रु. 15,999 मूल्य बराबरको HONOR Choice Watch 2 Pro निःशुल्क प्राप्त गर्नेछन् । साथै रु. 10,999 मूल्य बराबरको HONOR Choice Clip Earbuds पनि निःशुल्क उपलब्ध गराइनेछ । ग्राहकहरूले EFIX Protection Service Offer समेत पाउने कम्पनीले जनाएको छ ।

लन्चको अवसरमा HONOR नेपालले सीमित अवधिका लागि विशेष अफरहरू पनि ल्याएको छ । HONOR 600 सिरिज नेपालभरका आधिकारिक HONOR रिटेल स्टोरहरूमा सीमित अवधिका लागि उपलब्ध हुने कम्पनीले जनाएको छ ।

थप जानकारीका लागि https://www.honor.com/np/, https://www.instagram.com/honor_nepal/ र https://www.facebook.com/honornepall मा हेर्न सकिनेछ । साथै [email protected] इमेल वा +977 9801150036 नम्बरमा सम्पर्क गर्न सकिने जनाइएको छ ।