सोसल मिडिया
हाम्रो बारेमा
सम्पर्क
काठमाडौं । HUAWEI ले स्वास्थ्य, फिटनेस र दैनिक कल्याणमा केन्द्रित स्मार्ट पहिरनयोग्य प्रविधिको नयाँ पुस्ता ‘HUAWEI ब्यान्ड ११ सिरिज’ नेपालमा आधिकारिक रूपमा सार्वजनिक गरेको छ। कम्पनीले मेल्टडाउनसँगको सहकार्यमा आयोजित “रन विथ द बीट” नामक विशेष अनुभवात्मक कार्यक्रममार्फत उक्त सिरिज सार्वजनिक गरेको हो।
अप्रिल १५, २०२६ मा आयोजना गरिएको उक्त कार्यक्रम नेपाली नयाँ वर्ष २०८३ को सुरुवातसँगै मनाइएको थियो। फिटनेस, संगीत र प्रविधिको संयोजन गरिएको सो कार्यक्रममार्फत सहभागीहरूले एक फरक अनुभव लिएका थिए। नेपालमै पहिलो पटक ‘DJ रन’ अवधारणामा गरिएको यस कार्यक्रमले धेरै फिटनेसप्रेमीहरूलाई एकै ठाउँमा ल्याएको थियो।
नयाँ HUAWEI ब्यान्ड ११ सिरिजलाई स्मार्ट हेल्थ तथा फिटनेस कम्प्यानियनका रूपमा डिजाइन गरिएको कम्पनीले जनाएको छ। यसमा उन्नत स्वास्थ्य निगरानी सुविधाहरू समावेश गरिएको छ। ब्यान्डले २४/७ मुटुको दर (Heart Rate) र रगतमा अक्सिजनको मात्रा (SpO₂) मापन गर्नुका साथै HRV र श्वासप्रश्वास सम्बन्धी जानकारीसहित विस्तृत निद्रा ट्र्याकिङ प्रदान गर्दछ।
यसका साथै, १०० भन्दा बढी कसरत मोडहरू, स्मार्ट ट्र्याकिङ, निर्देशित श्वासप्रश्वाससहित तनाव तथा भावनात्मक अवस्था निगरानी गर्ने सुविधा पनि उपलब्ध छ। हल्का र स्टाइलिश डिजाइनसहित आएको यस ब्यान्डमा एकपटक चार्ज गर्दा १४ दिनसम्म ब्याट्री टिक्ने कम्पनीले जनाएको छ।
Huawei Health एपसँग एकीकृत यस डिभाइसले प्रयोगकर्तालाई व्यक्तिगत स्वास्थ्य विश्लेषण तथा सुझाव प्रदान गरी समग्र कल्याण सुधार गर्न मद्दत गर्नेछ।
नेपालमा HUAWEI ब्यान्ड ११ सिरिजको मूल्य ब्यान्ड ११ (पोलिमर) को रु. ९,९९०, ब्यान्ड ११ (हल्का आल्मुनियम मिश्र) को रु. ११,९९० र ब्यान्ड ११ प्रोको रु. १४,९९० निर्धारण गरिएको छ।
यस सिरिजको सार्वजनिकसँगै HUAWEI ले आधुनिक प्रविधिमार्फत प्रयोगकर्ताको दैनिक जीवनलाई अझ सहज र स्वस्थ बनाउने आफ्नो प्रतिबद्धता पुनः दोहोर्याएको छ।
