नेपालगन्ज। नेपालगन्जमा जेनजीको प्रदर्शन उग्र बनेपछि प्रहरीले गोली चलाएको छ । आन्तरिक राजश्व कार्यालयमा आगजनी गर्न खोजेपछि प्रहरीले रवर गोली प्रहार गरेको छ । आधा दर्जन बढीलाई गोली लागेको छ।

उनीहरुको सञ्जिवनी कजेज अफ मेडिकल साइन्सेस नेपालगन्जमा उपचार भइरहेको छ । अस्पतालका प्रशासन शाखा प्रमुख कुमार अधिकारीका अनुसार अहिलेसम्म ७ जना घाइतेलाई अस्पताल ल्याइएको छ । उनीहरुको निःशुल्क उपचार भइरहेको उनले बताए ।

अस्पतालले सामाजिक उतरदायित्व अन्तर्गत उनीहरुको उपचार गर्ने घोषणा गरेको छ । प्रदर्शनकारीहरुले नेपालगन्ज उपमहानगरपालिका, कोहलपुर नगरपालिका लगायतका सरकारी कार्यालयमा आगजनी गरेका छन् । आन्दोलन प्रहरीको नियन्त्रणमा बाहिर पुगेको छ।

प्रदर्शनकारीले बाँके जिल्ला अदालत ,नेपालगन्ज उच्च अदालत ,वडा प्रहरीको गाडी कलाएका छन्। अदालत जलाउने क्रममा अदालतमा रहेका थुनुवा समेत फरार भएका छन।