कैलाली । अवैध तस्करी गर्नका लागि सुराकी राखिएको पाइएको छ। तस्करहरुले भारतबाट अवैध तस्कर गर्न प्रहरीको निगरानी गर्न सुराकी खटाइका व्यक्ति नै पक्राउ परेपछि सो कुरा बाहिर आएको हो।

कैलालीको धनगढी उपमहानगरपालिका-७  मनोहराका बुद्धिराम चौधरीलाई कैलाली प्रहरीले पक्राउ गरेपछि प्रहरीविरुद्ध नै सुराकी गर्ने गरेको रहस्य बाहिरिएको हो।

तस्करहरुले उनलाई प्रहरीको स्थान र प्रहरीको गतिविधिका बारेमा निगरानी गर्न राखेका थिए। सो बापत उनले प्रत्येक पटक ५ सय रुपैयाँ पाउने गरेको प्रहरीले जानकारी दिएको छ।  लामो समयदेखि प्रहरीले निगरानी उनलाई पक्राउ गर्न सफल भएको जनाएको छ।

प्रहरीले उनलाई राष्ट्रसेवक कर्मचारीको काममा बाधा पुर्याएको कसुरमा मुद्धा चलाएको जनाएको छ।