कप्तानगन्ज। सशस्त्र प्रहरीले भारत लैजानका लागि लुकाइराखेको एक क्विन्टल गाँजा बरामद गरेको छ।

सशस्त्र प्रहरीको नं.४ गण सुनसरी मातहत रहेको प्रस्तावित सीमा सुरक्षा गुल्म कप्तानगन्ज , बिओपी साहेबगन्ज  र हर्बेनीको टोलीले एक क्विन्टल गाँजा बरामद गरेको सशस्त्र प्रहरीले जानकारी दिएको छ।

गए राति विशेष सूचना पाएको सशस्त्र प्रहरीले भारत लैजानका लागि बर्जु गाउँपालिका-४ हसनपुरमा उखुको पातले छोपेर राखिएको अवस्थामा ३ वटा बोरामा राखिएको १ क्विन्टल गाँजा बरामद गरेको हो।

सशस्त्र प्रहरीका अनुसार उक्त ३ बोरामा साना-साना प्याकेट बनाएर राखिएको गाँजालाई आबश्यक कारबाहीका लागि प्रहरी कार्यालयलाई बुझाएको हो।