कोहलपुर। अत्यधिक चिसोका कारण मौसम प्रतिकूल बन्दै गएको भन्दै कोहलपुर नगरपालिकाभित्रका विद्यालयहरूको पठनपाठन अस्थायी रूपमा बन्द गरिने भएको छ।

मौसमको अवस्थालाई मध्यनजर गर्दै प्राप्त सुझावका आधारमा नगरपालिका भित्रका सबै सामुदायिक तथा निजी विद्यालयहरूमा आजदेखि  ११ गते पठनपाठन बन्द गर्न अनुरोध गरिएको हो।

नगरपालिकाले विद्यार्थीहरूको स्वास्थ्य र सुरक्षालाई ध्यानमा राख्दै यो निर्णय गरिएको जनाएको छ। मौसममा सुधार आएमा आइतबारदेखि नियमित रूपमा पठनपाठन सुचारु हुने जानकारी पनि गराइएको छ।

सम्बन्धित सबै विद्यालय, शिक्षक, विद्यार्थी तथा अभिभावकलाई यस निर्णयको पालना गर्न नगरपालिकाले अनुरोध गरेको छ।