काठमाडौँ। बडादशैँको टीकाको दोस्रो दिन आज पनि आफन्त तथा मान्यजनको हातबाट टीका जमरा लगाइ आशीर्वाद लिने क्रम जारी छ।

नेपाल पञ्चाङ्ग निर्णायक विकास समितिले कोजाग्रत पूर्णिमासम्म दशैँको टीका लगाउन सकिने बताएको छ ।

खासगरी टाढा रहेका आफन्त तथा मान्यजनकहाँ टीकाको दिनदेखि कोजाग्रत पूर्णिमाको दिनभित्र पुगेर दशैँको टीका थाप्ने र आशीर्वाद लिने चलन छ।

त्यसैले आज टीकाको दोस्रो दिन पनि टीका लगाउन आउ-जाउ गर्नेहरूको चहलपहल जारी रहेको छ। कोजाग्रत पूर्णिमाको दिन राति जाग्राम बसी महालक्ष्मीको पूजा गरेपछि १५ दिन लामो बडा दशैँ अर्थात् दुर्गा पक्ष समाप्त हुन्छ।