दाङ। रुकुम पश्चिमबाट दाङको घोराही आउँदै गरेको फोर्स गाडी सल्यानमा दुर्घटना हुँदा तीन जनाको मृत्यु भएको छ।राप्ती राजमार्ग अन्तर्गत कपुरकोट गाउँपालिका-३ चोरखोलामगाडी लु २ ख ६५०२ नम्बरको फोर्स दुर्घटना हुँदा तीन जनाको मृत्यु भएको प्रहरीले जानकारी दिएको छ।

प्रहरीका अनुसार मृत्यु हुनेहरुमा रुकुम पश्चिमको बाफीकोट गाउँपालिका ५ बस्ने अन्दाजी २५ वर्षीय प्रकाश केसी, सोही ठाउँकै अन्दाजी ६८ वर्षीया पबी केसी र अन्दाजी २७ वर्षीय शशीधर केसी रहेका छन् ।

उक्त फोर्स गाडी आज बिहान ४ बजे सडकबाट करिब ४ सय मिटर तल खसेर दुर्घटना भएको प्रहरीले जनाएको छ।दुर्घटनामा परेर रुकुमकै बाफीकोट गाउँपालिका-५ का ४७ वर्षीय खगेन्द्र केसी र ३६ वर्षीय बिना केसी घाइते छन् । 

घाइते दुवैलाई थप उपचारका लागि तुलसीपुर अस्पतालबाट आज बिहान ६ बजे बाँकेको नेपालगञ्ज रिफर गरिएको छ । प्रहरीले दिएको जानकारी अनुसार उक्त गाडी गए राति १० बजे प्रहरी चौकी कपुरकोट सल्यानको चेकपोइन्टमा इन्ट्री गर्दा गाडीमा ३ पुरुष २ महिला गरी जम्मा ५ जना सवार रहेका थिए।

दुर्घटनास्थल प्रहरी चौकी कपुरकोटबाट अन्दाजी ६ किलोमिटर दक्षिणतर्फ र इलाका प्रहरी कार्यालय लुहामबाट करिब २६ किलोमिटर पूर्वमा परेका कारण उद्दार कार्य तत्काल सम्भव हुन सफल भएको प्रहरीले जानकारी दिएको छ।