कपिलवस्तु । कपिलवस्तु कारागारमा रहेका कैदीबन्दीले   जनैपूर्णिमाको अवसरमा हातमा राखी बाँधेर रक्षाबन्धन पर्व मनाएका छन् । 

आज जनैपूणिर्मा पर्वका अवसरमा  दिदीबहिनी र दाजुभाइबीचको प्रेम र स्नेहको प्रतिकका रुपमा  कैदीबन्दीले आफ्ना दिदीबहिनीको हातबाट राखी बाँधेर सामुहिक रुपमा रक्षाबन्धन मनाएको कपिलवस्तु कारागार प्रशान्तले जानकारी दिएको छ । 

तराई क्षेत्रमा विशेष महत्व दिएर मनाईने पर्व भएकोले आज कपिलवस्तु कारागारमा रहेका कैदीबन्दी दाजुभाइ र उनीहरुका दिदीबहिनीबीचको मिलनको पल अत्यन्तै प्रतिक्षित रहेको थियो । 

कारागारमै रक्षाबन्धनको अवसर पाउँदा कैदीबन्दीहरु हर्षित भएका हुन् । हाल उक्त कारागारमा ४५१ पुरुष कैदीबन्दी रहेको कारागार कार्यालयले जनाएको छ।