काठमाडौं । अनियन्त्रित भएर स्कारपियो घरको भित्तामा ठोक्किँएर दुर्घटना हुँदा चालकको मृत्यु भएको छ।

कैलालीको अत्तरियाबाट महेन्द्रनगर जाँदै गरेको बा १७ च९६४५ नम्बरको स्कारपियो गोदावरी नगरपालिका-३ स्थित चौकीडाँडामा रहेको बहादुर कडाराको पक्की घरको भित्तामा  ठोक्किँएर दुर्घटना भएको प्रहरीले जानकारी दिएको छ।

कैलाली प्रहरीका अनुसार दुर्घटनामा मृत्यु हुने चालक  कृष्णपुर नगरपालिका-४ का ३५ वर्षीय सिवित राना रहेका छन् । घरमा स्कारपियो ठोक्किँएर गम्भीर घाइते भएका चालक रानाको गए राति साढे ९ बजे मृत्यु भएको प्रहरीले जानकारी दिएको छ।

शनिबार साँझ दुर्घटना भए लगत्तै चालक रानालाई उपचारका लागि सेती प्रादेशिक अस्पताल लगिए पनि चिकित्सकले मृत घोषणा गरेको कैलाली प्रहरीले जनाएको छ।