चितवन। गत शुक्रवार त्रिशुली नदीमा बेपत्ता भएका ६२ जना यात्रुहरुमा हालसम्म १५ जनाको शव फेला परेको छ।दुबै बसमा सवार  जम्मा ६५ यात्रुहरुमध्ये ३ जना पौडीएर बाँचेका मध्ये ६२ यात्रु बेपत्ता भएका थिए।

जसमा चितवन प्रहरीका अनुसार १५ जनाको शव बरामद हुँदा ८ जनाको पहिचान खुलेको हो।

जिल्ला प्रशासन चितवनले दिएको जानकारी अनुसार वीरगन्जबाट काठमाडौं जाँदै गरेको बागमती प्रदेश ०३-००६ख १५१६ नम्बरको एन्जल डिलक्स बसमा काटिएको चलान अनुसार २७ जना यात्रु र पछि चढेका ११ यात्रु गरि ३८ जना रहेका छन् । आफन्तले टिपाएको विवरण अनुसार थप ११ जना यात्रु पछि बसमा सवार रहेको प्रशासन कार्यालय चितवनले जनाएको छ। 

त्यसैगरि काठमाडौंबाट गौर जाँदै गरेको बागमती प्रदेश ०३-००१ ख २४९५ नम्बरको गणपति डिलक्स बसको चलानी अनुसार २३ जना र पछि चढेका ४ गरि २७ जना सवार रहेको जिल्ला प्रशासन चितवनले जनाएको छ।