काठमाडौं । पशुपति क्षेत्र विकास कोषकी नवनियुक्त कार्यकारी निर्देशक लक्ष्मी पुनलाई काम नगर्न अदालतले आदेश दिएको छ।

उच्च अदालत पाटनले लक्ष्मीको नियुक्ति तत्कालका लागि कार्यान्वयन नगर्न अन्तरिम आदेश जारी गर्दै उनलाई कामकाज नगराउन भनेको  हो ।

कार्यकारी निर्देशकमा नियुक्त भएकी लक्ष्मीको योग्यता र मापदण्ड नपुगेको भन्दै उच्च अदालत पाटनमा परेको रिटको सुनुवाइ गर्दै अदालतले उनलाई कामकाज नगर्न र नगराउन आदेश दिएको हो।  

लक्ष्मीलाई पशुपति क्षेत्र विकास कोषको सञ्चालक परिषदले गत पुस ४ गते कार्यकारी निर्देशकमा नियुक्त गरेको थियो ।